Skip to content
2011/01/01 / bo_wadh7a

معاناة طالب طب

معاناة طالب طب

أهداء من بونواف ( أخوي ) لي 🙂 بعد ما
شاف معاناتي مع الدراسة في سنة ثانية ( السنة الي فاتت )


بسم الله ابدي الشعر وانهي الابيات
واصلي على رسوله بالقصيد وفي بداياته


وهاجسي الي فيك يكتب الكتابات
يروحلك فدوة صاحبه وشعره وكتاباته

اليوم الثلاثه و العضيد خلص امتحانات
الله يوفقه ياجماعه و تزين علاماته


له اسبوعين ما تهنى بالمنامات
شوف عيني يا الربع ما دفت مخداته


هذا طريج الرجال صعب كله مطبات
هذا طريج الطب سهر في اغلب حالاته


الي يبي العليا يمشيلها المسافات
و الي يبي النجاح يحفظ محاضراته


في غرفته اوراق مذكرات و تفريغات
ما يسليه فيها غير التفريغ و كفر بيجاته


الله لا يسمعكم اسامي المواد و الاختصارات
اس دي تش اي و فسيو و باي.كمستري و تشريحاته


تباً للبايو بصعبوته و ملاقته و المغثات
يازين الفسيو بفهمه وسلاسته و سهالاته


والغريبه في كل الاوراق تلقى ملاحظات
و الاغرب كيف الملاحظات زادت عن معلوماته


يبيلها مخ(ن) مصطل و عيونٍ عليها نظارات
و دشداشة نوم و البيت معلين على مكيفاته


لان كثر الدراسه تزيد فيه الحرات !!!
ما يعدل مزاجه غير فنجال(ن) زادت هيلاته


البن الاشقر عنده اغلى من الالماسات
واستكانت الجاي الاحمر اغلى من اكسسواراته


الحاله حاله و النفسية تعبانه من المحاتات
و الراس زاد عليه صداعه النصفي و عواراته


غرفة النوم ملت من وجهه و الممرات
ملت من كثر روحاته للصاله و جياته


الله يوفق كل طلبت الطب و بالذات
الي يعزون اخوي و تحلى معاهم اوقاته


يالعضيد اخذ من اخوك بعض النصيحات
لاتقول صعبه وانت باول الطريق وخطواته


سنة ورا سنة ثم وراها ثلاث سنوات
كلها خمس و تذوق التخرج و لذاته


خمس سنين و تقول للطب هيهات
راح التعب و راح الوقت و حسافاته


اصبحت دكتور بعيون الناس و المستشفيات
واصبحت بعيوننا اخو نفرح لنجاحاته


باذن الله الرحمن رافع السماوات
كلها خمس وتتذكر هالقصيد و ابياته


واتضمني و تقول وقت التعب فات
واليالي السود عدت مع الدرس و ملفاته


الوقت درس و الايام متروسه عبرات
و المواقف لها رجلن ثابته وقفاته


رجلن فحل مثلك عريب الاصل و الذات
نسل بني خالد عنوان النوماس وافتخاراته


جدك خالد سيف الله المسلول بالغزوات
على رقاب الكفار ياما سيفه سل سلاته


ياخوي يالعضيد اخذها من اخوك كلمات
طيب الصيت تبقى بعيون الناس ذكرياته


سبعه وعشرين كل بيت ينطحله عمارات
عساها تبقى معاك في بالك ومتاهاته


هذا وبسم الله ابدي وانهي الابيات
واصلي على رسوله بداية القصيد ونهاياته


* طبعا التفريغ و الكفر بيج :

عندنا بالكلية شي اسمه تفرغ و اول صفحه منه يكون الكفر بيج و التفريغ
يكوون من كلام الدكتور يعني يتم تسجيل المحاضرات و يتم توزيع محاضرات
السنة على الطلبة و يتم تفريغ الصوت لكتابة و الكفر بيج دايم ما يكون
شي للتسلية كل واحد شنو يحب يحط في تفريغه

Advertisements

4 تعليقات

اكتب تعليقُا
  1. AL-GHAMDI A&B / يناير 2 2011 00:26

    ههههههههههههههههههه ابيات معبره والله يوفقك يا خوك

    تحياتي

    • bo_wadh7a / يناير 2 2011 00:31

      🙂

      يوفق الجميع ان شاء الله

  2. Om 3zoz / يناير 3 2011 01:02

    مبروك المدونه انتم السابقون ونحن الاحقون ان شاء الله وابيات
    عجيييييييبه صح لسان بو نواف

    • bo_wadh7a / يناير 3 2011 01:08

      الله يبارك فيج ام عزوز

      تو ما نورت المدونه والله ؛-)
      والله تترس وقت الفراغ ؛-)

      صح بدنج

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: