هذا بوست طبي تكنولوجي 🙂
في المانيا بدأ عمل تجارب على كبسولة
الكبسولة هذي فيها كامرة لتصوير الجهاز الهضمي من الداخل
عشان يشوفون اذا في سرطان او قرحة او امراض ثانية
الله يبعد عنكم المرض و يديم الصحة
الجديد في موضوع الكبسولة هو انه يفكك(يخلصك) من المنظار و متاعبه من الم و غيره
طبعا الكبسولة تصور صور و فيديو طوال ما هي داخل الجهاز الهضمي
غير هذا الكبسولة هذي يتوافر فيها مغناطيس للتحكم
يعني يتحكم فيها من خارج الجسم عشان يختار المكان الي يبي يشوفه الدكتور
عشان يكون التشخيص اكيد و دقيق
صورة للكبسولة
المصدر
موجوده بالكويت بمستشفى هادي سعرها ١٥٠ او اكثر بشوي
عدل كلامك بوفلان موجودة
بس هالنوع جديد معدل يقدرون يتحكمون فيها عن طريق تقنية يستخدمون فيها المخناطيس،
الموجودة ما يدقر يتحكم بحركة الكبسولة.
اها شكرا على المعلومه
عاد صاحبك فيه قرحه ومو حاب سالفة البنج والهوز ( المنظار ) 🙂
وهاذي غاليه بنطرك تصير دكتور وتسويلي اياها بلاش 🙂
سوال طبي مافي اثار جانبيه من المغناطيس على خلايا الجسم
حسب ما قريت يا ام عزوز
انه الموضوع مثل الأم ار اي يعني مجرد زوال المغناطيس ترد قطبية الخلايا و مامنها ضرر
اما بوفلان: الموضوع توه تجريبي الله ييسر و يتم الموافيه عليه بشكل كامل
و اذا تخرجت تستاهل من عيوني جم بوفلان عندنا 😀