Skip to content
2011/01/20 / bo_wadh7a

شائعات + ما هو متوقع في iPad 2

تاريخ البوست ٥-١-٢٠١١

من فترة كان ودي اكتب عن الموضوع هذا

لكن حبيت اجمع مجموعة من الاشعات او ما نشر عن الموضوع و انزلهم في بوست واحد عشان يكون كل شي موجود في مكان واحد

الجيل الثاني من الاي باد

مثل ما تعودنا من ابل انها تنزل منتجاتها بشكل سنوي و بنفس الوقت الاي بود في شهر ٩ او ١٠ و الاي فون في شهر ٦ او ٧

فالمتوقع انه الاي باد الجديد يكون في شهر ٤ لان الاول نزل في ٤ من ٢٠١٠

الشائعات و ما هو متوقع:

١

سماعة اكبر و اوضح من بعد الصور الي نشرت لكفرات الجديده لمنتج الاي باد الجيل الثاني بوجود مساحة اكبر للسماعة، الصوره طلعت من بلوقات صينية

اول فيديو نزل

و الصور في موضوع السماعات مختلفة

٢

ايضا من المتوقع ان يكون شكل الجهاز شوي متغير و قريب للاي بود الاصدار الاخير و يكون مسطح اكثر

صورة للمقارنة بين كيس لجهاز الاي بود الحالي و الكيس المتوقع

٣

المتوقع معالج اسرع ، منطقيا لان كل تجديد لاجهزه ابل يصاحبه تجديد و زيادة في سرعة المعالج و ما يندره هل نسخة مطورة من المعالج A4 الي تم الكشف عنه اول مره في الاي باد الاول و تم استخدامه في iPhone 4 او معالج جديد بالكامل و هذا راح يزيد من قوة اداء و سرعة اللالعاب و البرامج كبيرة الحجم

٤

و الشي الي الكل متوقعة هو وجود كامرة للجهاز مثل ما تم اضافتها للاي بود و يتم اضافة الفيس تايم له و بهالاضافة بتكون تقنية face time متاحه على كل اجهزه ابل من اخر اصدار للاي بود و الاي فون و البرنامج الي نزل على اجهزه الماك. فيديو الكفر الي موجود فوق بالبوست فيه مكان للكامرة

٥

ما في اي اخبار عن الحجم لكن من الممكن نلاحظ تغيير في الاحجام خاصه بعد اي شفناه في الmacbook air ال١١ الجديد

مع اني غير مستخدم للجهاز لكن الكثير من الناس تنطره و الكثير صار ما يستغني عنه

______________________

تحديث ٧-١-٢٠١١

تكلمت من قبل عن معرض الCES

الي يقام حاليا في لاس فيقاس

و فيه تم مشاهده هذا الجهاز وهو الشكل المتوقع للاي باد الجديد

الجدير بالذكر انه اغلب الشائعات الي تكلمت عنها فوق موجوده في هذي النسخة

كامرة في الخلف و في الامام تسطيح الجهاز و سماعة اكبر و زياده في الحجم ١٢٨ مثل الماك بوك اير

تم مشاهده الجهاز في المعرض لانه تم عرض اكسسوارات من سماعات و غيره للاي باد ٢

صور للجهاز

اضغظ لتكبير الحجم

ــــــــــــــــــــــــــــــــــــــــــــــــ

تحديث للبوست ١٣-١-٢٠١١

بعد خبر الابديت ٤.٣

و اضافه خاصيه التحكم باللمس بطريقة جديده

المتوقع ازالة زر الهوم من الاي باد الجديد

و بعد زود في خبر انه راح ينزل الجهاز في يوم ٢ من شهر ٤ او يوم ٩

و قال مصدر موثوق عند ماك رومرز انه المواصفات راح تظم

كامرتين و شاشة رتينا نفس الي في الي فون ٤

و مدخل يو اس بي

ــــــــــــــــــــــــــــــــــــــــــــــــــــــــــــ

تحديث للبوست ١٤-١-٢٠١١

يمكن شوي تأخرت بالخبر اعذرونا

لكن بعد تغلغل المطورين

حصلو على تأكيد لوجود اكثر من اصدار للايباد ٢

و حصولهم على صور من ملفات التحديث الجديد لايقونات تصوير لحجم الايباد

صور الايقونات من ملفات النظام

صورة لوجود مستقبلي لي ثلاث انواع من الاياباد و نوعين من الاي فون

ipad 2,1 + 2,2 + 2,3

iphone 4,1 + 4,2

و ان شاء الله بس تبدي توضح الصوره للاي فون راح انزل بوست متابعة خاصة لموضوع الاي فون الجديد

_______________________________________

١٥-١-٢٠١١

تحديث جديد و صورة

خبر قبل شوي قريته

يقولك انه الجهاز الجديد ما راح يكون في يو اس بي لكن بكون في مكان للاSD

مكان الSD كارد واضح بالصور اضغط لتكبير الصورة

حسب مصادرEngadget يقول ان خبر الكامرتين و زيادة المعالج الاساسي و متوقع A5 و شكل الجهاز المسطح مؤكد

لان المصدر هو نفسه الي وفرلهم خبر الابل تيفي و كان خبر صحيح

___________________________

تحديث للبوست 16-01-2011

تم تأكيد دقة الشاشة الي هي رتينا دسبلي للاي باد

فكرة شاشة الرتنا في الاي فون ٤ هي مضاعفة الدقة

راح يتم تطبيقها في الاي باد الجديد و الدليل

من خلال وجود ملف في برنامج iBooks 1.1

التابع لبرامج ابل

تبين بالصورة وجود اي فون و ايفون ٢

و اي باد و اي باد ٢

بحيث الاي فون هو الثري جي اس

و الي فون ٢ هو الاي فون ٤

من وضوح و دقة الصورة انه ضعف الدقة

نفس الشي وجود صورة للاي باد و الاي باد ٢

و نفس الطريقة الصورة الخاصة بالي باد ٢ ضعف الخاصة بالاي باد

يعني تغيير الرزلوشن من(1024×768) ألى 2048×1536

صورة

________________________

تحديث جديد للبوست 17-01-2011

قبل شوي قريت الخبر هذا

ظهور شاشة اي باد ٢ للبيع على موقع قلوبل دايركت بارتس

لكن طبعا خالصة الكمية

الملفت للموضوع ان الموقع نفسه الي طلع صور لقطع اي فون شركة فيرايزون الي تم الاعلان عنه

القطعة ما في عنها معلومات لكن الي عرفوا انها تكلف ٢٢٠ دولار تقريباً و بجذي بتكون اغلى من شاشة الاي باد الاولي بفرق ١٠٠ دولار

و جذي راح تكون الشاشة اغلى شي بالجهاز ليلحين

صورة للشاشة

زيادة على الموضوع لقوا شاشة معاها محرك هزاز احتمال يكون شي اضافي للاي باد الجديد او انها شاشة اي فون الجديد

ليلحين مايدرون

.

و بعد وجود صورة لكني ما حصلتها لكفر ابيض يعني احتمال يكون في اي باد ابيض

في موقع صمم تصميم اولي للاي باد باللون الابيض والله يطلع زقرتي

صورة

______________________________

تحديث 17-01-2011

خبر من مصدر داخلي في ابل

يقولك انه معالج اليديد للجهاز الي هو A5

احتما يكون دوال مكور يعني

يعني دبل القديم

و يعطي قوه للقرافكس ٤ اضعاف الاي باد الي قبله

و بهالطريقه ممكن الجهاز يعرض 1080 HD

و المتوقع انه تنتقل لمخرج الHDMI بعد انتقالها في الاب تي في و الماك مني

لانه منطقي لجهاز فيه كل قوى العرض هذي و ما يعرض على التلفزيون بقوته الكاملة

و كون الخاصية هذي متوقعة بكل اجهزه عام 2011

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تحديث جديد  18-01-2011

صور لكفرات من بلوقات صينية تدعي انها للاي باد الجديد

مثل ما هو واضح بالصورة بعض الفتحات و شنو متوقع

من فوق

ماكن متوقع يكون لمخرج  ميني دسبلي بورت

تحت شو فتحته ممكن لل اس دي كارد

فتحه للكامرة الخلفية

و من تحت مدخل للشاحن و فتحة واسعة للسماعات

_____________________

تحديث 20-01-2011

بعد نزول سوفتوير البيتا الجديد للمطورين

٤.٣

لقو ايقونات تأكد وجود كامرة في الاي باد الجديد

ايقونات لبرامج  ٣

فيس تايم و برنامج الكامره و فوتو بوث

تغيير في التاريخ من الصور السابقة لتاريخ ٩

و في اشاعة سابقة انه ممكن ينزل في ٢ ابريل او ٩ ابريل

هل هذا يأكد الاشاعة ؟ الي ظهرت في تاريخ ١٣-١-٢٠١١ و تكلمت عنها انا قبل

او هو تاريخ ٩ من فبراير للاعلان عن الجهاز

اختلفت الاراء في هذا الموضوع 🙂 و في راي يقول ماله شغل

ارجع لتحديث البوست فوق تحديث تاريخ ١٣-١-٢٠١١

و بعد في السوفتوير الجديد في ميزه او خاصيه جديده

بروكسميتي سنسنر

و هذا الاضافة تفيد في انه الجهاز يفتح الشاشة و يقفلها

يعني

اذا غطيت الشاشة بكفر او كيس تسكر و اذا شلت الكفر او الكيس تفتح اوتوماتيكياً

المصدر macrumors + engadget + 9to5mac

Advertisements

20 تعليق

اكتب تعليقُا
  1. Bo_3eza / يناير 6 2011 00:38

    طبعا الكل ناطر
    انا واحد كنت ابي ايبود كبير واستانست لما نزل الايباد
    ريحني من الايبود واللابتوب
    بس بالنسبة لي مشكلة الرام وكثر الكراشات في البرامج

    • bo_wadh7a / يناير 6 2011 00:41

      بوعزه اعتقد المشكله من الجيل بريك 🙂
      و الرام متوقع يتم زيادة تزامناً ( متعوب عليها تزامناً ترى ) مع زيادو البروسسر ( المعالج )

  2. أبوفلان / يناير 6 2011 02:52

    الصراحه افضل الماك اير على الآيباد أدري أن هناك خلاف كبير بس الماك اير فتنه وأخف

    • bo_wadh7a / يناير 6 2011 06:57

      انا نفس الحاله ما اتوقع اني اخذ اي باد لان الاي فون يغنيتي عنه و اذا باخذ جهاد متحرم بشاشه كبيرة اخذلي اير و لو انه اغلى لكن ما راح يقيدني و افضل استخدامه

      نورت يا بوفلان

  3. icity10 / يناير 7 2011 18:05

    والله الايباد ممتاز ولكن انا من خذيته ما استخدمته كثر الابتوب والايفون طبعا يغنيك عن كل شي ،،

    وننتظر ونشوف شنو اللي راح يصير وشنو اللي ممكن تعدل فيه الشركة ..

    يعطيك الف عافية يا بووضحة .

    • bo_wadh7a / يناير 7 2011 18:10

      والله بويوسف الاي باد له مستخدمينه الي ماله بحوسه اللاب توب و يبي شاشه اكبر من الاي فون و لاحظت هالشي عند اكثر من واحد

      يعافيك و يخليك

  4. Om3azoz / يناير 7 2011 21:54

    معلومات حلوه شكرا

    • bo_wadh7a / يناير 7 2011 22:07

      العفو حياج ام عزوز
      نورتي البوست

  5. almayas / يناير 13 2011 22:04

    الصراحه الملتي تتش عالايباد مووووصج ويدلدغ المشاعر حده

    لو صار ونزلته كتحديث حده بحس باحساس كأني شاري ايباد من يديد

    ومن الغلط مقارنه الايباد بالابتوب …كافي المسكه تفرق واهني انا ماافضل واحد على الاخر بس كل جهاز وله استعمال

    ناهيك عن السعر وسهوله ادخال المعلومات ( اللمس )

    • bo_wadh7a / يناير 14 2011 02:05

      اي عدل كلامك الملتي تش مو طبيعي

      و بالنسبه للمقارنه كل واحد يقارن و يشوف الموضوع حسب استخدامه
      انا حاليا شغلي كله بالاي ماك و الباجي بالاي فون اللاب توب قليل استخدمه .للضروره اذا بطلع و عندي شغل غير هذا ما استخدمه

  6. q8ping / يناير 13 2011 22:22

    انشالله يكون في مفاجأه حلوه
    لان قوقل بالجلاكسي تاب .. صار فيه بعض المحاسن الي المفروض تكون في الايباد

    • bo_wadh7a / يناير 14 2011 02:16

      ان شاء الله
      و ستيف جوبز و ربعه راعين افكار و دايم يستحدثون اشياء محد فاطن لها

  7. Om3azoz / يناير 14 2011 00:53

    معلومات وايد حلوه تشكر عليها والله فلوسنا كله رايحه على التكنولوجيا ويليت تسويلينا نفس البوست على الاي فون فايف

    • bo_wadh7a / يناير 14 2011 02:17

      حياج الله ام عزوز
      أن شاء الله تبشرون بالخير و راح يتم تغطيةالموضوع بس تبدي تطلع اخبار و اجمعها و نسوي بوست يبرد الخاطر و يفيد الجميع

  8. almayas / يناير 15 2011 07:11

    مادري ليش مستبعد سالفه الاس دي “:\

    • bo_wadh7a / يناير 16 2011 07:36

      كل شي ممكن و التاريخ ماهو بعيد اول اربعة يبين كل شي

  9. أبوفلان / يناير 16 2011 07:40

    شيء جميل وينطيك العافيه

    سالفة الـ SD كان لابد لأبل انها تضيفها اذا صحة المعلومة لأني أشوفها ميزة حلوه اذا بتنافس جهاز ثاني يدعم هالشي

    شكرا

    • bo_wadh7a / يناير 16 2011 07:47

      يعافيك و يخليك ،
      صحيح فكرة الاس دي حلوه بس الايو اس بي في اكثر من فايدة يمكن ،

  10. almayas / يناير 18 2011 15:15

    ياسلام عالاخبارة ةاللي ورة بعض ،،، خلاص شكله قرب

    • bo_wadh7a / يناير 18 2011 15:48

      المتوقع اول شهر ٤ 🙂
      خوفك جذبة بريل و على قولتهم April fools

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: