Skip to content
2011/02/27 / bo_wadh7a

تجربتي للسستم Mac OS Lion 10.7

🙂

امس كنت مفكر اركب السستم و محاتي التجربة

لكن بعد ما عطاني بوحمود لنك التورنت

و انه جربه و شغال

قررت اركبه

اول شي مهم للكل يزور البوستات هذي

عشان يعرفون السستم

فيدوات للسستم

نظرة أولى للسستم

طبعاً السستم تجريبي للمطورين

بديت بالداونلود 🙂

بعدها سويت بارتشن خاص للستم بحجم ١٠٠ قيقا

و ركبت السستم

بعدها سوا ريستارت

و شغل السستم

عطاني فيديو الولكم ،،

هذي توضح اني شغال على السستم

الي هو ١٠.٧ الاسد

اول ملاحظة في السستم

كانت الثيم الخاص بالسستم غير و حلو بصراحه

صورة لصفة البرامج

و الملاحظة الثانية

ما يبين اي برنامج شغال بالدوك

خاصية المشن كنترول

الي تبين لي كل البرامج بالفل سكرين و الداش بورد

و البرامج الي بالدسكت توب

طبعا استخدام التش باد صار مثل الاي باد

يعني تطق لي فوق عشان تنزل و تطق لي تحت عشان تصعد

و الفايندر الجديد بستايل جديد

و شكل جديد

نلاحظ ترتيب الفايلات و عن طريق

التش باد صبعين يمين يسار تعرض الفايلات قد الصفحة

صفجة السستم

بعدها غيرت اللغة و حطيته عربي

السستم كله عربي

ممتاز و مفيد للناس الي تستخدم العربي

صور

قائمة التفاحة

البرامج بعد تبديل اللغة

بعدين رجعت السستم للنجلش 🙂

و كملت التجربة

التحكم بالسستم شي مو طبيعي بصراحة

خاصة بالتش باد 🙂

صورة للنج باد lounchpad

وهي تحط لك البرامج مثل الاي باد

مع وجود فولدرات 🙂

بعدها فتحت السفاري

و اكتشفت ميزه عجيبة و هي

التنقل بين الصفحات

يعني بدل باك و فوروارد

بالدقم فوق

عن طريق التش باد بصبعين يمين

يعني باك و يسار ييعني فوروارد

صورة

مثل ما هو واضح الصفحة منقصة نصين

نص الصفحة الحالية و نص قاعد ينتقل للصفة الي قبل

بس بالتش باد

يعني سهولة و سلاسة 🙂

بعدها قررت اجرب خاصية الكويك لوك

بشكل جديد

فيها اضافة لكتبير فل سكرين

او لفتح الفايل ببرانمج مكتوب اسمه

نشوف

بعدها قلت بجرب الفل سكرين بالبرامج

سفاري

بعد الضغط على الدقمة ( المفتاح)

برنامج البريفيو بالفل سكرين

بعدها شغلت المشن كنترول

نشوف شلون صار شكل الخاصية

و نلاحظ انه الداش بورد صار صفحة  كانه برنامج فل سكرين

مو صفحه تنزل على سطح المكتب

لسهوله التنقل ببن البرامج

بعد فوق هالتقنية

بالتش باد تقدر تنتقل بين البرامج الفل سكرين و الداش بورد

باستخدام اربع اصابع

يمين او يسار للتنقل بين البرامج

صوره بين سطح المكتب و برنامج سفاري فل سكرين

سطح المكتب(سفاري على شكل نافذة وليس فل سكرين) و الداش بورد

صفحة خاصة بخاصية airdrop

لنقل للي حواليك عن طريق الوايرلس ماقدرت اجربها

لازم يكون سستمين ليون عندك

برنامج الميل

بكل اختصار هو خلط بين الميل القديم بقوته

و سهوله و مميزات برنامج سبارو

و اخر خاصية الي شفتها

اهي رسيوم

او تابع

و هي اذا سويت ريستارت نافذة الريستارت

في اختيار تابع شغلك بعد اعادة التشغيل

صورة

هذا الي شفته بتجربتي الأولى للسستم

طبعا اكبر شي لاحظته

صحيح انتقال من الاي باد للماك

يعني سهوله و سلاسة الاي باد

انتقلت للماك

بصراحة اتوقع راح يكون السستم جداً سهل

يرفع من استاندرد الراحة و السهولة للمستخدمين

و اتوقع راح يكون الانتقال جداً مهم

و اي واحد يجرب الليون راح ينسى الي قبله 🙂

من سهولته و سلاسته  و طريقة التنقل و الاستخدام

———————————-

تحديث للبوست

رابط التورنت

ضروري الي يبي يجرب

حجم السستم ٣ ونص قيقا

و لازم يركب على بارتشن جديد عشان لا يمسح كل شغلك

جرب على ضمانتك 🙂

الي ما يعرف بغل تقسيم الهاردسك او تركيب سستم جديد

ما انصحه يجرب

————————————-

تحديث للبوست

تعليق بوحمود و تجربته للسستم

هلا والله بو وضحى واشكرك على ذكر اسمي في البدايه :)

صراحه نظام قوي والان صارلي يومين من اول ماصدر وانا استخدمه ونسيت السنو ليبورد

واعطيكم تقييمي له للفائده

في اول يوم كان سريع وممتاز ومع الوقت وبحكم خبرتي مع هالنظام بشكل عام اكتشفت العديد من ال bugs اي مشاكل .. اغلبها تكون crash بسبب الدوال الجديده والتي لم يتمكن مهندسو النظام مع ادخالها في السنو ليبورد القديم..لان بنظري هو مركب على القديم بشكل خاص.. وايضا بعض البرامج راح تصير كراش في بعض الاحيان..

ولكن بشكل عام هو متوازن باعتبار انه نسخه تجريبيه للمطورين developers وبالتالي لا مشكله من تجربته ولكن لا انصح ان يكون بشكل رئيسي لانك سوف تنزعج من ال bugs

اكثر البرامج تأثر في الدوال الجديده هو skype اللي راح يصير له كراش على طول للاسف وايضا عند استخدام spaces مع فتح العديد من البرامج راح يصير كراش على داله الدوك مما يخفي البرامج مع انها شغاله اصلا..

في النهايه لازال العبيط ستيف بن جوبز سوري الوالد يتجاهل اللغه العربيه في رسالة الترحيب مع بداية تركيب النظام من جديد ولا يوجد “مرحبا ” مع العديد من welcome :) .. يا ستيف ليش :)

تحياتي لكم :)

Advertisements

24 تعليق

اكتب تعليقُا
  1. faresko / فبراير 27 2011 15:42

    رائع البوست بو وضحى …

    لا لازم نجربه ، سلمت الأيادي

    – وكنت أحاتي حجم النظام بس طلع 1 GB ، وانا قاعد احمل فلم بـ 3 GB

    P:

    – بس لو تحطلنا رابط التورنت نكن لك من الشاكرين 🙂

    • bo_wadh7a / فبراير 27 2011 15:52

      تم تحديث البوست 🙂

      حط بالك لا تعفس شغلك

  2. Abdullah Aljalawi / فبراير 27 2011 16:02

    ماشالله .. خوش تجربه ماشالله
    الله يوفقك

    • bo_wadh7a / فبراير 27 2011 16:13

      اجمعين 🙂

  3. أبوفلان / فبراير 27 2011 16:07

    تقرير موفق وجميل يا جميل

    تسلم ايدك

    بس مادشت مخي سالفة تقليد الآيباد اذا بتصعد وتنزل بالصفحه بتصير عكس المتعودين عليه 😦

    • bo_wadh7a / فبراير 27 2011 16:14

      تسلملي بوفلان

      لا بس اول مره بعدين تتعود لانك اساساً متوعد على الاي فون و الاي باد

  4. ithelove / فبراير 27 2011 18:12

    ماشالله ومنكم نستفيد

    ودي اجرب بس خوفك لايقلب كل شي ونتعوكس 🙂
    iAbdulaziz

    • bo_wadh7a / فبراير 28 2011 00:20

      شيخ لو حاب امشي معاك خطوة بخطوة عطني خبر و ابشر 🙂

  5. alsawag / فبراير 27 2011 23:24

    مشكووور بو وضحى
    شوقتنا والله
    سستم رئع وأتوقع راح يزيد انتشار الماك
    خصوصاً أنه يتمتع بالسهولة والسلاسة مثل ما تفضلت
    والعربي يلعب دور عند كثييييييير من الناس

    • bo_wadh7a / فبراير 28 2011 00:18

      العفو حياك 🙂
      اي عدل كلامك شيخ

  6. هورنت / فبراير 28 2011 00:06

    موضوع رائع
    وتجربة أروع
    راح يتم تجربته إن شاء الله هاليومين
    اشكرك بو وضحى
    تحياتي

    • bo_wadh7a / فبراير 28 2011 00:19

      حياك استاذ هورنت
      نورت البوست 🙂
      ناطرين تجربتك 🙂

  7. Ambiguity / فبراير 28 2011 00:15

    ما شاء الله شرح وافي وحلوو يعطيك العافيه يا استاذ بوضحى والف مبروك للماكيين .. والفال لي ان شاء الله :p

    واحلى خطوه سوتها ابل ان اجهزتها تدعم اللغه العربيه =) وهذا راح يكون فيه اقبال عليه وايد وخصوصا اللي ما يعرفون انقلش =)

    تسلم يا استاذ بو وضحى

    • bo_wadh7a / فبراير 28 2011 00:21

      تسلملي يا الغالي
      نورت المدونة 🙂

      • Ambiguity / فبراير 28 2011 00:31

        الله يسلمك استاذ بووضحى =) (( انا بنت ))

        • bo_wadh7a / فبراير 28 2011 00:38

          اسفين 🙂
          نورتي المدونة ، تسلمين على التعليق 🙂

          😀

  8. بو حمود / فبراير 28 2011 01:09

    هلا والله بو وضحى واشكرك على ذكر اسمي في البدايه 🙂

    صراحه نظام قوي والان صارلي يومين من اول ماصدر وانا استخدمه ونسيت السنو ليبورد

    واعطيكم تقييمي له للفائده

    في اول يوم كان سريع وممتاز ومع الوقت وبحكم خبرتي مع هالنظام بشكل عام اكتشفت العديد من ال bugs اي مشاكل .. اغلبها تكون crash بسبب الدوال الجديده والتي لم يتمكن مهندسو النظام مع ادخالها في السنو ليبورد القديم..لان بنظري هو مركب على القديم بشكل خاص.. وايضا بعض البرامج راح تصير كراش في بعض الاحيان..

    ولكن بشكل عام هو متوازن باعتبار انه نسخه تجريبيه للمطورين developers وبالتالي لا مشكله من تجربته ولكن لا انصح ان يكون بشكل رئيسي لانك سوف تنزعج من ال bugs

    اكثر البرامج تأثر في الدوال الجديده هو skype اللي راح يصير له كراش على طول للاسف وايضا عند استخدام spaces مع فتح العديد من البرامج راح يصير كراش على داله الدوك مما يخفي البرامج مع انها شغاله اصلا..

    في النهايه لازال العبيط ستيف بن جوبز سوري الوالد يتجاهل اللغه العربيه في رسالة الترحيب مع بداية تركيب النظام من جديد ولا يوجد “مرحبا ” مع العديد من welcome 🙂 .. يا ستيف ليش 🙂

    تحياتي لكم 🙂

    • bo_wadh7a / فبراير 28 2011 12:06

      يعطيك العافية بوحمود
      حطيت تعليقك بالبسوت عشان تعم الفائدة

  9. Bo Hadoy / فبراير 28 2011 06:29

    المسمار الاول في نعش ويندوز

    عشت بوضحى عالبوست المتعوب عليه “:]

    • bo_wadh7a / فبراير 28 2011 12:09

      اي والله يا بوهدوي 🙂
      عاشت ايامك شيخ 🙂

  10. A7MD / مارس 31 2011 22:44

    اسمك احمد صح؟

    • bo_wadh7a / مارس 31 2011 23:11

      اي نعم

  11. me / مايو 1 2011 23:37

    waaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaww

    please update us when its in the market ^_^

    and how can we get it to q8 on time ^_^

    thanx

    • bo_wadh7a / مايو 1 2011 23:42

      We’ll Do in sha2 allah

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: