Skip to content
2011/04/18 / bo_wadh7a

iPhone 5 و اخر الاشاعات

تحديث للبوست 18-04-2011

حسب اخر تقرير من ماك رومرز يقول :

المعلومات عن الجهاز القادم بالتقرير ما تختلف عن الي انكتب و انتشر و الي نزلت فيه انا موضوع تلخيص اشاعات الاي فون (هنا ، الصورة ) بان التصميم ماراح يختلف عن الاي فون ٤ و لكن الي بداخلة راح يختلف وراح يتوفر معالج جديد الي هو A5 و ممكن يكون اسرع من الي موجود في الاي باد الجديد و كامرة جديدة بقوة ٨ ميقا بكسل خاصة بعد الخبر الي انتشر عن سوني بانها راح تتأخر في توفير كامرة ال٨ ميقا بكسل للاي فون (هنا) و انه الاي فون راح يتأخر انتاجه لي شهر ٩ سبتمبر و انه راح يتم الاعلان عنه في شهر ٦ في WWDC 2011 (مصدر)  و لكن يتوفر بالسوق مع الاي بود شهر ٩

رائي الخاص بالموضوع مثل ما قلت من قبل (هنا) انه ابل مو من صالحها تتاخر بالاي فون الجديد لانه السوق راح ينترس باجهزة متطورة اكثر من الاي فون ٤ و راح تتراجع عنهم و فوق هذا لو اعلنت ابل عن جهازها مع الاي بود مثل ما هو متوقع في شهر ٩ سوق الاي بود راح يتضرر كون بعض الي راح يشترون راح يختار بين الاي بود الجديد الي متعودين ينزل كل شهر ٩ ولا الاي فون اليديد ؟

_____________________________
البوست الرئيسي 23-03-2011

بدت الاشاعات تزيد عن الاي فون ٥   طبعا الصورة تصميم فقط

و اكثر شي تم تاكيده لانه تكرر في كل اشاعة جديده هو الكيس المعدني او الالمونيوم ، مع احتفاظ الاي فون بشكل الاي فون ٤ و هذا حسب اخر الصور او التسريب للشكل الاولي و الكفرات المصنعة للجهاز الجديد

)بوست لقطع تدل على التشابه بالتصميم هنا (

هذا بالنسبة للتصميم و الشكل مع انتينا جديد ( هوائي)

اما عن الشاشة فاغلب الاشاعات تقول انه بحجم ٤ انش اكبر من القديم بحبتين

و بالنسبة لموضوع تقنية الNFC فتضاربت الاشعات بين  دعمها او تاخيرها للعام القادم ولكن الاكثر يرجح دعم التقنية بالاي فون القادم

تقريباً هذي اخر الاشاعات

مصدر

Advertisements

7 تعليقات

اكتب تعليقُا
  1. Alajmi / مارس 23 2011 15:23

    السلام عليكم .. اخوي صور الاطار المعدني الي حطيتها
    مو للايفون ٥ هذي للايفون ٤ نسخة فورايزن تم تسريبها
    قبل لاينزل .. بالنسبة للاخبار الاخرى ااكد علاكلامك ان
    الكفر الخلفي راح يكون المنيوم والشاشة ٤ انش وحجم
    الجهاز نفسه باستثناء محاولات ابل المعتادة في تقليل
    السماكة لاي جهاز … اسف عالاطالة حسيت اني مراسل
    العربية 

    • bo_wadh7a / مارس 23 2011 15:33

      يا هلا و يا مرحبا ، بالنسبة للصورة عدل كلامك هي قطعه طلعت وقت اي فون الفيرايزن لكن بعد نزول الجهاز طلع انه في اختلاف بين التصميم للقطعة المعدنية الي نزلت بالتسريب (الي هو الصورة ) و بين الجهاز نفسة و خاصة ما يخص مكان الكرت عشان جذي متوقع انا تكون للجهاز الجديد و هذا الخبر تقدر تقراه بالكامل
      http://www.macrumors.com/2011/03/22/iphone-5-due-in-q3-4-inch-screen-metal-chassis/
      و بالرابط الي تحت الصورة عدة صور لقطع داخلية تأكد التشابه في التصميم بين الجهاز التجريبي للاي فون و الاي فون ٤
      و اما باجي كلامك عدل
      لا تحاتي ياخوك اقرا كل شي عدل و اتأكد منه قبل نقل الخبر
      تحيات بووضحى

  2. Abdallah / أبريل 18 2011 22:47

    ياخي والله انك شقردي يا بو وضحى..ورب الكعبه اليوم دشيت بلوقك بس عشان كنت حاس اني بلقى شي عن الآيفون 5.. وسبحان الله طلع أول بوست والثاني عنه!!

    والله من صجي اكلمك

    قواك الله

    دايما اخر الأخبار عندك الله لا يغير عليك

    • bo_wadh7a / أبريل 19 2011 00:18

      يا هلا عبدالله 🙂 شاكر تعليقك الاكثر من تشجيع لي 🙂

      • Abdallah / أبريل 20 2011 03:28

        كل هالأخبار الزينه منك نقراها كل يوم وما نشكرك ؟..أقل مافيها نقولك مشكور ونقدر جهودك:)

        حق وواجب ياخوك

  3. منتديات نسائية / يوليو 17 2011 10:02

    شكرااا

    بااارك الله بك

Trackbacks

  1. رويترز: iPhone 5 قادم شهر سبتمبر « Bowadh7a's Blog – مدونة بووضحى

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: