Skip to content
2011/04/21 / bo_wadh7a

تقرير: شاحن بثلاث مخارج USB

من فترة شاري هالشاحن و حاطة للضرورة اذا ناوي اروح مكان مخيم ولا شاليه اخذه معاي ، و من يومين ركبته بالصالحة كان عندنا ندرة بالشواحن و مركبين اكثر من بلاك حق الاي فون و الاي باد ، و قلت فرصة اجربه

هذا شكل العلبة

و هذا شكل الشاحن قبل لا تفرده عبارة عن قطعة اسطوانية بلاستك و ملفوف عليها مثل زولية ربل 🙂  و فيه من الجانب مكان عشان واير الكهربة

لا فردته يصير جذي شكله من الصورة واير الكهربة يدخل من الجهة البعيدة عن مخارة اليو اس بي

و هذا بعد تركيب عليه ٣ يو اس بيات ، اي فون ٤ و اي فون ثري جي اس و اي باد بعد:) و فيه ليت ازرق يشب اذا كان موصل بالكهربة بس انا مو موصلة كنت شايلة عشان اصور الشحن

الشاحن يجي معاه وصله مايكرو يو اس بي و وصلة ميني يو اس بي بس و ينفع لشحن اغلب الاجهزة الي تشحن عن طريق اليو اس بي مجرد عندك الوصلة وصل و اشحن ، مرتب ينلف و ينشال حق التنقل سهل جدا ، و مفيد بصراحة خاصة انه يدعم اغلب الاجهزة + الاي باد .

اخذته من اي سيتي ب١٤ حسب ما اذكر و مثل ما قلت انه من الكرتون الاسطوانة و البلاك (واير الكهربة) و وصلتين يو اس بي وحدة مايكرو و وحدة ميني

Advertisements

6 تعليقات

اكتب تعليقُا
  1. Nasser / أبريل 21 2011 19:44

    السلام مشكور والله يعطيك خيرة ويكفيك شرة ومن وين شريت الوايرات السود وبكم وشكراً

    • bo_wadh7a / أبريل 21 2011 19:50

      وعليكم السلام ، يعافيك و يخليك ، ذولي ماخذهم من الغانم ، ما اذكر بجم والله بس اسم الماركة iluv

  2. Nasser / أبريل 21 2011 19:53

    مشكور ماقصرت لكن تشحن عدل وهل هي اصلية

    • bo_wadh7a / أبريل 21 2011 19:56

      ماني فاهمك اصلي ولا لأ ؟ هو شاحن من شركة حالة حال اي شاحن

  3. Nasser / أبريل 21 2011 19:58

    يعني إذا لمستة مثل ما تلمس الواير مال الايفون الاصلي ولا هذا انعم وشكرا واسفين على الازعاج

    • bo_wadh7a / أبريل 21 2011 20:05

      ما من ازعاج ، والله مادري لاني ما استخدم واير الاي فون من زمان فمادري بالفرق

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: