Skip to content
2011/05/03 / bo_wadh7a

وصل جهازي Xoom Unboxing

من بداية ظهور التابلت  و انا مو مقتنع فيه و كل الي متابعني بتويتر يمكن يشوفني اسولف عن هالشغلة و بعد فترة قررت اخذلي تابلت (جهاز لوحي) حق التصفح ، تشغيل فيدوات ، و يكون معاي وين ما اروح خاصة اني احتاج جهاز ابي اسوي شغلة و ما عندي غير الاي فون الي شاشته ما تساعد.

و كنت مستحيل اخذ iPad لعدة اسباب اهمها عندنا بالبيت جهاز ليش اكرر و اخذ نفسه و السبب الثاني اني اذا راح اخذ تابلت ابي شي اقدر اتعبث فيه و اركب عليه اي شي ابيه فقررت ابتعد عن الاي باد كونه محدود حسب استخدامي له كجهاز لوحي ، فقررت اخذ تابلت غير الاي باد فكرت البلي بوك ، لكن هونت لانه البرامج محدودة نوعاً ما و ليلحين ما ندري عن طريقة تطبيق فكره تشغيل برامج الاندرويد عليه و ما توفرت بعد وPlayBook افضل للي عنده بلاك بيري ، و قلت ابي الجهاز يكون حجم شاشته كبيرة ، و بعد ما سألت اكثر من شخص لقيت التوجه لجهاز اندرويد غير معدل فاخترت Xoom لانه ما فيه اضافة من موتوريلا مو مثل السامسونق و ايضاً هو المتوفر ، ومع العلم انه مواصفات الجهاز كجهاز لوحي هو الافضل حالياً مقارنة بين الاجهزة (هنا)

صورة للصندوق

بعد الفتح الصندوق

تحت الجهاز – وصلة Micro Usb و شاحن

صورة كاملة

و طلبت مع الجهاز هالكيس هذا

و هالعدة  – جنطة و وصلة من Mini HDMI لي HDMI

انطباعي الاول الجهاز التصفح فيه ممتاز ، و دعم العربي ايضاً جيد

بعد استخدامي للجهاز بفترة راح انزل تقرير كامل ان شاء الله

كلفني الجهاز مع العدة و التوصيل واصل لارامكس 220 كويتي تقريباً

Xoom 32 GB WIFI

من Amazon.com 1 , 2 , 3

كل الشكر لشيخ الاندرويد في تويتر @Osama11

هذي صور فرق بين الاي باد و الزووم بالحجم

Advertisements

6 تعليقات

اكتب تعليقُا
  1. @osama11 / مايو 3 2011 19:37

    الف مبروك وتكسره بالعافيه وننتظر انطباعك واستخدامك
    وراح تكون اضافه له يامبدع

    • bo_wadh7a / مايو 3 2011 19:53

      يبارك فيك شيخ , ان شاء الله قريب

  2. Q8Ping / مايو 3 2011 19:45

    مبرووك مبرووك ..يا الاندرويدي

    • bo_wadh7a / مايو 3 2011 19:54

      يبارك فيك يا الايفوني 🙂

  3. BoHadi / مايو 4 2011 07:06

    مبروك يابو وضحه وخوش جهاز “:]

  4. Abdallah / مايو 4 2011 15:59

    بو وضحى السامسونج يقولون هو أحسن شي.. ليش ما خذيته؟ شالفرق بين السامسوج والXoom?

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: