Skip to content
2011/05/23 / bo_wadh7a

تقرير: تجربتي للXooM و الHC 3.1

السلام عليكم و رحمه الله

انقطعت عن المدونة فترة سبوع تقريباً بسبة الامتحان و امس خلصت منه ، الحمدالله على كل حال

و اليوم قلت بكتب عن تجربتي للجهاز و رايي فيه :

الجهاز زووم واي فاي ٣٢ قيقا (Xoom Unboxing)

الصور المستخدمة مومن  تصويري كون الجهاز مو عندي حالياً + مالي بالتصوير ، نتعلم مع الوقت

الجهاز بصراحة جداً ممتاز بالنسبة لاستخدامي ، تصفح النت و مشاهدة فيديوات ،

بشكل العام الجهاز دعمه للعربي مضبوط و بالكيبورد بعد ما تنزل كيبورد عربي من الماركت تقدر تكتب بكل بساطة ، سرعة الجهاز ممتازة و مع التعديلات و تركيب كيرنل من الي معدل عليه تقدر تسوي ما يسمى بالOverClock وهي تزيد من سرعة المعالج و يوصل بعد اخر تحديث ل١.٦ لكن على حساب البطارية طبعاً .

بطارية الجهاز باستخدامي انا  على الواي فاي او شابك بلوتوث على الاي فون عشان النت تكمل معاي استخدام يوم يعن من اصحى لين انام ، ١٤ ساعه يمكن لكن بالوقت هذا مو دايم بيدي ، حسب  المواقع و التجارب فالبطارية على كيرنل و جهاز ستوك (مومعدل) يعطيك ٩ ساعات متواصل

و الفيدوات يعرض HD 720 بدون اي تعليق او تهنيق على برنامج DoubleTwist و الصوت جيد نسبياً

جربت استخدام الماكيرو HDMI و عرض من الجهاز للتلفزيون ، العرض ممتاز لكن يحتاج تضبيط للمقاس(تطلع الشاشة على التلفزيون مأكولة من الاطراف)  يعني اتوقع في المستقبل تحديث بسيط و يكون شغال تمام التمام ، او عن طريق تعديل من المتعبثين ربع الرومات و غيره

بالنسبة لي الوزن ماكان عيب كونه اثقل من الاجهزة اللوحية الثانية لكن انا عندي الجهاز لا صار ثقيل ما تنساه بمكان لانك بتحس بالفرق بالوزن 🙂

مخارج الجهاز ( مايكرو يو اس بي و مايكرو HDMI)

بالنسبة للكامرة الامامية و الخلفية ما اسختدهم لكن الخلفية تصور فيديو 720 و هي ٥ ميقا ، التصوير جيد لكن انا عندي الكامرة بالتابلت فقط للفيديو جات و جربته على التانقو كان ممتاز

صورة من الجهاز و فيديو

من احلى مميزات الجهاز ، التصحف الاكثر من ممتاز و امكانية التعبث و هذا الي خلاني اختار اندرويد على الاي باد لاني افضل التابلت يكون قابل للتعبث قريب للاب توب

سلبيات:

شاشة عاكسة ولو انه ممكن بالستكرات الي تكسر الاشعة يكون الوضع تمام لكن لاحظت احياناً هالشغلة و تنرفزني

السلبية الثانية ، احس انهم استعجلوا بالجهاز + دعم البرامج مو واضح ، يعني لو يتم تنسيق الماركت و يبين لك اي برنامج جاهز للتابلت و اي برنامج ما ينفع مع زايدة عدد البرامج راح يكون الجهاز كامل من ناحية البرامج و غيره خاصة انه المبرمجين للاندرويد كثيرين

و الشي الاخير هو عدم تشغيل الميموري الخارجي الا الان (مع العلم ال٣٢ قيقا ما مليتهم ليلحين ) مع انه باستخدام كيرنل Taimat قدرت اشغل الميموري مايكرو اس دي لكن اذا كان الدعم رسمي بكون افضل

باختصار الجهاز ما تحسفت عليه لاني اشوف نظام الاندرويد انسب للتابلت من الاي باد مع اني محبين Apple  لكن بالتلفونات اعتقد الiOS يتوفق عند المستخدم من تجربتي طبعا لا لازم اقول انه الي يبي اندرويد يقدر اخذه و يستخدمه بدون تعديلات و يمشي معاه لكن مع التعديلات راح يفرق الاستخدام و عشان تعدل يبيلك مزاج للمجابل

فيديو ريفيو بالعربي جداً ممتاز

و مع مؤتمر قوقل I/O نزل تحديث 3.1 للهوني كومب )تقرير المؤتمر(

و هذي ابرز الاضافات :

دعم الUSB ليلحين ما جربته و عرض اكبر لحالة الذاكرة

تكبير الوجتس

زيادة عدد برامج الملتي تاسك قبل كانو موجودين لكن يعرض لك اخر خمسة فقط الحين يعرض لك كل البرامج

اختيار Check now للتحديث

Advertisements

5 تعليقات

اكتب تعليقُا
  1. فهد المطيري / مايو 23 2011 18:42

    الجهاز توني ماخذة من فيفا مع العرض
    الجهاز جميل ومميز بس فيه عيوب
    بالنسبة للتحديث الاخير ٣.١ موجود على الجهاز بس الخاصية للتكبير الوجتس غير موجودة

    • bo_wadh7a / مايو 23 2011 18:48

      فيدنا ياخوك شنو العيوب الي تشوفها ؟ ، و الخاصية اذا حدثت للسستم 3.1 موجودة لكن مو كل الوجتس تدعمها الوجت الي يدعمها تقدر تكبر اما الوجتس الي ما يوفر هالشغله ما تقدر تكبره الا بعد تحديث يدعم التكبير 🙂

      اكبر دليل شوف وجت الجيميل الي بالصورة شلون مكبره

  2. saloum / مايو 25 2011 23:29

    السلام عليكم.,…
    اخوي انا عندي الجهاز وماخذا من امريكا والابديت 3.0 وابي احوله حق 3.1 ممكن تعلمني الطريقه اذا سمحت
    والله يعافيك على مجهودك

    • bo_wadh7a / مايو 26 2011 05:06

      وعليكم السلام و رحمه الله ، والله ياخوك ما اعرف اشرح لكن هذا لنك موضوع الشرح الي استخدمته ، http://forum.xda-developers.com/showthread.php?t=1073884 كان جهازي مسويله رووت وعليه كلوك ورك مود و عليه كيرنل تايمات ١.٤.١ و بعدها بالشرح ركبت التحديث كل شي تحصله بالمنتدى هذاXDA

  3. saloum / مايو 28 2011 18:10

    مشكوور وما قصرت ولكن اعتقد اني يبيلي وقت علما اتعلم الكلمات الي انت قلتها ( رووت – كرينل تايمات – كلوك ورك مود ) لاني مادري شنو هذي لكن مع مرور الوقت سوف احاول باذن الله التعلم.
    وفي الاخير اشكرك على مجهودك ولا تبخل علينا بالمواضيع عن الجهاز 🙂
    شكرا…

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: