Skip to content
2011/06/01 / sa3look

وطنّا الثمن


امس قريت هالتويت من مولانا الدكتور عبدالرزاق الشايجي (@DrAlshayji)
و كتبت هالابيات:

 

سحبت سهوم الهواجيس في قوس اللحَنْ

والشاعر الفذ ماتخطي الهدف اسهومه

 

سحبتها يوم  الدكتور فيني  ركَنْ

رمح الحق في صدري ونزف اهمومه

 

يالشايجي عزالله حفرت الي اندفَنْ

في هالصدر الوفي الي ماتت اعزومه

 

بأرخص الأثمان وواضحه للعلَنْ

كلٍ  يبيع الذمة للي يزيد سومه

 

إيه واللهِ باعونا وباعوا الوطَنْ

وِشبت النار بين الحكومة والحكومة

 

وقودها النايب الي قبض الثمَنْ

وضحاياها الشعب الي بيشق اهدومه

 

معارض ولا انبطاحي الكل دَنْدَنْ

على أوتار الوحدة الوطنية اهجومه

 

لبسونا من بياض النهار الكفَنْ

وأظلموا الليل وغطوا عنا انجومه

 

احرمونا لذة النوم بفراش الفتَنْ

وافرقوا المجتمع طوايفٍ مقسومه

 

فرِّق تسد هذي من قوانين الزمَنْ

والشعب الي ما وعا عليها نلومه

 

اخبزوا خبزهم وخمرته العفَنْ

كلوه المساكين واللقمة مسمومه

 

مافاد العاقل عقله لو انه انرزَنْ

حِتى العقل الرزين سوّله منظومه

 

المنطق اقلبوه >< ويساره تيمَّنْ

وصارت الوجهة جبرية ومرسومه

 

ماهمني هرجة العميل لوهو رطَنْ

حنا عرب والعربي ماينسى اخصومه

 

اصحوا ياناس والله صدري انغبَنْ

الحي يحييكم لي منه قال اعلومه

 

صار الفساد لعبةٍ وفيها يتفنَنْ

الظالم الي يصب الرشاوي ديمومه

 

والي فهم كلامي أكيد إنه فطَنْ

والفطين مايحتاج توضيحٍ للمعلومه

 

والي طافت عليه ولا عقله صِفََنْ

يعيد التفكير عدل ويغيير اسلومه

 

هذا قافي وأنا سالم الي حَزَنْ

على ديرة الكرم يوم غدت محرومه

 

وتمت وانا نسل السيف الي حَقَنْ

دم المسلمين في مؤته وقدم رومه

 

وختامها احمد نافخ الروح فالبدَنْ

واصلي واسلم عالرسول ونعومه

 

ويتبع

@Sa3look

سالم بن حمد

Advertisements

5 تعليقات

اكتب تعليقُا
  1. bo_wadh7a / يونيو 1 2011 19:30

    صح لسانك يا سالم ، يبتها ييب 🙂

  2. iAbdulaziz / يونيو 1 2011 19:37

    وقودها النايب الي قبض الثمَنْ
    وضحاياها الشعب الي بيشق اهدومه

    قلتها ياسالم وقولك جا على مهن
    الشعب واصلً حده وناصر باردٍ شوره 🙂

  3. Abdallah / يونيو 2 2011 03:31

    ما لنا مولى غيره سبحانه.. وايد شيوخ حرموا كلمة مولانا لما تنقال للبشر

  4. t7l6m / يونيو 2 2011 15:59

    صح لسان من قالها
    وأقول
    المواطن من الهم إنطحن
    والحكومه تدري عندها المعلومه
    دمه من القهر إنحقن
    مسكينه ياكويت مظلومه
    والنايب اللي كرامتنا أمتهن
    بالإنتخابات تييك علومه

  5. Sa3look / يونيو 3 2011 04:11

    صح الله بدنكم احمد عبدالعزيز وتحلطم
    وعبدالله شاكرلك مرورك ونصيحتك
    بس “إنما الاعمال بالنيات” اسمع للرسول اكثر
    المشايخ لو اجتمعوا مايجيبون احسن من الاحاديث وتسلم
    ؛-)

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: