Skip to content
2011/07/03 / bo_wadh7a

فرق التعامل Apple Store و محلات الكويت

من فترة ، الي متابعني بتويتر يدري بالسالفة ، طاح اي باد عندنا بالبيت (iPad2) و انكسرت شاشته هذي الصور

    

و دزيته حق اخوي الي في امريكا عساس يصلحونه بالابل ستور ، كون شاشة الاي باد الجديد كبس و ما اتوقع احد بيضبط التصليح بالكويت و بكلفني التصليح بدل مرة ١٠

و بعد ما وصل الجهاز راح اخوي عساس بصلحه ، و قالوله يكلفك هالكثر ما اذكر جم ، قالهم مو مشكلة ، الجهاز اي باد ٢ ثري جي ٦٤ قيقا 😦

سلمهم الجهاز و قالوله تعال باجر استلمه ، راحلهم ثاني يوم و يسلمونه الجهاز مصلح بالكامل بشاشة جديدة تلق ، الصدمة بالموضوع انه ما خذو منه فلوس ، من باب اكسب زبون

هذي صور الجهاز بعد ما وصل

  

اثار الطقات الاساسية الي سببت الكسر .

لو عندنا بالكويت ، اول شي يقوله لك سوء استخدام ، و يعطيك من التفلسف و يحاول يفهمك انه من الطيحة الجهاز راح ينقط ولازم تشتري يديد كل هذا عشان يكسب فلوس زود او يصلحة اي كلام و يقولك والله هذا الي قدرنا نسوي الطقة جايدة عساس يخترب مرة ثانية و ترد و تروحلهم مرة ثانية تصلح و تدفع فلوس

لي متى هالبوق !!! لي متى الاستغلال !!! وللأسف في ناس تعينهم على الموضوع هذا ، من باب ، من صجك لك خلق بتناجرهم وتعور راسك ادفع و ريح بالك  ولا يقولك يا البخيل ادفع و افتك!!

ما اقول الا لهم يوم 🙂

Advertisements

6 تعليقات

اكتب تعليقُا
  1. المدوّن / يوليو 3 2011 16:27

    بالكويت مع الاسف مالك الا محل مايكل الصيني يصلح شاشات الابياد والافون بسعر منافس

    عنوانه حولي شارع ابن خلدون مقابل محل تسجيلات عبدالله روشيد بالضبط

    رقم الهاتف: 94475050 66228596

    http://hikuwait.com/2010/08/%D8%AA%D9%85-%D8%AA%D8%B5%D9%84%D9%8A%D8%AD-%D8%A7%D9%84%D8%A2%D9%8A%D9%81%D9%88%D9%86/

    ما ادري ليش ما فيه وكيل لأبل بالكويت علشان موضوع الكفالات

    • bo_wadh7a / يوليو 3 2011 16:28

      شغلة مضبوط بوحمد ؟

  2. المدوّن / يوليو 3 2011 18:25

    انا جربته بالبلاك بيري كان خربان السوفتوير وسواه بـ 5 دنانير فقط

    وهو لاهي اكثر بلايفونات وصلح ايباد ناس اعرفهم انكسرت الشاشه بس ما ادري جم
    تقدر تتصل عليه بالرقم فوق تستفسر عن سعر تصليح الايباد 😦

  3. bo_3eza / يوليو 3 2011 19:23

    لاتنسى سالفة الاي فون مع الماي اللي بدلوه مرتين والسبه انه طاح بالماي واخترب
    بدلوه بلاش يوم سفرتي اميركا

  4. Q8me / يوليو 3 2011 20:29

    لايحوووووشك مايكل الصيني…كل قطع الغيار اللي عنده ” صيني ومو آصلي ”
    اثنين من الربع غيروا شاشة الايفون واختربت بعد اسبوعين…الشاشة قامت تشب وتطفي
    ويوم راحوا المحل قالوا احنا مانكفل الشاشه واذا تبي لازم تدفع وتركب شاشة يديدة

    ” البوق عيــــــني عيــــنك “

  5. madeinq8 / يوليو 4 2011 07:05

    ماشالله تستاهلوون التصليح المجاني
    ابل امريكاا
    اخ يا ابل امريكا
    مره شريت منهم ايباد وطلع فيه مادري شنو بالشاشه شي ما ياثر جنه وصخ صغير حيل يالله تلاحظه بدلولي الجهاز وانا واقفه لو بالكويت جان يقولي لا هذا مو شي وهذا طقه منج و و و و و
    صج صج هناك احترام للزبون مو مثل الي عندنا طمممع عسى الله مايبارك لهم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: