من فترة شاري هالشاحن و حاطة للضرورة اذا ناوي اروح مكان مخيم ولا شاليه اخذه معاي ، و من يومين ركبته بالصالحة كان عندنا ندرة بالشواحن و مركبين اكثر من بلاك حق الاي فون و الاي باد ، و قلت فرصة اجربه
هذا شكل العلبة
و هذا شكل الشاحن قبل لا تفرده عبارة عن قطعة اسطوانية بلاستك و ملفوف عليها مثل زولية ربل 🙂 و فيه من الجانب مكان عشان واير الكهربة
لا فردته يصير جذي شكله من الصورة واير الكهربة يدخل من الجهة البعيدة عن مخارة اليو اس بي
و هذا بعد تركيب عليه ٣ يو اس بيات ، اي فون ٤ و اي فون ثري جي اس و اي باد بعد:) و فيه ليت ازرق يشب اذا كان موصل بالكهربة بس انا مو موصلة كنت شايلة عشان اصور الشحن
الشاحن يجي معاه وصله مايكرو يو اس بي و وصلة ميني يو اس بي بس و ينفع لشحن اغلب الاجهزة الي تشحن عن طريق اليو اس بي مجرد عندك الوصلة وصل و اشحن ، مرتب ينلف و ينشال حق التنقل سهل جدا ، و مفيد بصراحة خاصة انه يدعم اغلب الاجهزة + الاي باد .
اخذته من اي سيتي ب١٤ حسب ما اذكر و مثل ما قلت انه من الكرتون الاسطوانة و البلاك (واير الكهربة) و وصلتين يو اس بي وحدة مايكرو و وحدة ميني
Bowadh7a's Blog - مدونة بووضحى 
السلام مشكور والله يعطيك خيرة ويكفيك شرة ومن وين شريت الوايرات السود وبكم وشكراً
وعليكم السلام ، يعافيك و يخليك ، ذولي ماخذهم من الغانم ، ما اذكر بجم والله بس اسم الماركة iluv
مشكور ماقصرت لكن تشحن عدل وهل هي اصلية
ماني فاهمك اصلي ولا لأ ؟ هو شاحن من شركة حالة حال اي شاحن
يعني إذا لمستة مثل ما تلمس الواير مال الايفون الاصلي ولا هذا انعم وشكرا واسفين على الازعاج
ما من ازعاج ، والله مادري لاني ما استخدم واير الاي فون من زمان فمادري بالفرق